اسرار النجاح

فيه عاملين أساسين جداً فى النجاح. 

أول عامل فيهم:- 

الإجتهاد - والإجتهاد كلمة واسعة ممكن كل واحد يفهمها على قدر معاييره للإجتهاد ولكن الإجتهاد اللى أقصده هنا هو الإجتهاد الشامل

من أول التعب على التعليم ومعرفة كيفية التحرك علي  الشئ أو الوصول للهدف اللى إنت عايزه 

مروراً بإتقانه وعدم التنازل عن خروجه بجودة عادية

إنتهاءاً بالإصرار على عدم التوقف حتى مع التعب الشديد أو المحبطات الخارجية أو الصراعات النفسية الداخلية

تانى عامل:- 

هو الصدق - والصدق أقصد بيه صدق الرسالة ووضوحها

بداية من معرفة "أنا ليه بعمل اللى أنا بعمله ده؟" 

مروراً بحب الشئ "هل أنا فعلاً عندى إستعداد أضحى عشان اللى هعمله؟ هل أنا صادق فى إحتياجى وإرادتى لهذا الشئ؟"

إنتهاءاً بإخلاص هذا العمل "هل فعلاً عملى هذا فيه نفع أبتغى بيه وجه الله تعالى؟ ولا العمل ده عبادة للنفس وللمجد الشخصى؟"

وفى النهاية: هتعمل إيه دلوقتى حالاً عشان تبدأ تغطى العاملين دول؟